Pasi i janë arrestuar ministra, kryetar bashkie dhe bashkëpunëtorët më të ngushtë i ka në arrati, kryeministri Edi Rama kthehet kundër ndërkombëtarëve për reformën në drejtësi.
Në Asamblenë e PS-së në Shkodër, kreu i qeverisë tha se drejtësinë në Shqipëri e bën PS dhe jo ndërkombëtarët, ndërsa kreu i demokratëve Sali Berisha prej kohësh e akuzon Ramën se me urdhër të tij SPAK-u po kryen arrestime politike.
Ndërkombëtarët në fakt kanë shpenzuar qindra miliona euro për reformën në drejtësi, e cila ka goditur bashkëpuntorët më të afërt të kreut të qeverisë, por ka “amnistuar” dyshen Rama-Veliaj.
Kryeministrit duket i shqetësuar për presionin që ushtrojnë ndërkombëtarët për të pasur standarte në këtë reformë, standarte që trondisin Ramën e kabinetin e tij.
Rama sot publikisht lëshoi sinulat e tij kundër SHBA dhe BE për rreformën në drejtësi.
“Reforma në drejtësi është nga ato gjera që përveç PS-së nuk imagjinon kush t’i marrë përsipër. Kushdo që e voton këtë parti duhet të jetë krenar pasi nuk ka nodhur në historinë e këtij shteti që njerëz të veshur me pushtet të shkojnë para drejtësisë dhe që ta lënë drejtësinë t’i ketë duart e lira. Asnjëherë pushteti nuk ka pasur vullnetin t’i heqë duart nga kontrolli i drejtësisë. Amerika këtu ishte që në 1991 dhe BE ishte këtu që den baba den. Kanë dashur që të ndodhi kjo por që të ndodhë kjo duhet të kesh forcën që e bën në vend. Ky nuk është një ndryshim që sillet me aeroplan. Ndodh vetëm nëse një forcë brenda vendit ka fuqinë dhe vullnetin ta bëjë këtë. Ne mund ta kishim gjithë vullnetin dëshirën por duhej mbështetja e tyre.”, tha Rama në Asamblenë e Partisë Socialiste në Shkodër
