Dy raste të lojërave të fatit janë zbuluar nga Policia e Fierit, në dy lokale dhe si rezultat është arrestuar një person dhe janë shpallur në kërkim dy të tjerë.
Në pranga ka rënë 43 vjeçari Fani Lulaj, banues në Varibop, ndërsa në kërkim është shpallur shtetasi me iniciale A. M., 21 vjeç, banues në fshatin Kallm i madh, bashkëpronarë të lokalit.
Sakaq rasti tjetër është zbuluar në fshatin Drizë, ku një 36-vjeçar është shpallur në kërkim dhe është proceduar bashkëshortja e këtij të fundit.
“Në vijim të veprimeve procedurale për rastin e goditur në fshatin Varibop, shërbimet e Policisë kanë arrestuar në flagrancë shtetasin F. L., 43 vjeç, banues në Varibop dhe kanë shpallur në kërkim shtetasin A. M., 21 vjeç, banues në fshatin Kallm i madh, bashkëpronarë të lokalit.
Në vijim të veprimeve procedurale për rastin e goditur në fshatin Drizë, është shpallur në kërkim shtetasi D. R., 36 vjeç, si dhe ka nisur procedimi në gjendje të lirë për bashkëshorten e tij, shtetasen B. R., 35 vjeçe, të dy banues në fshatin Zhupan.
Gjatë kontrolleve në këto 2 lokale u gjetën dhe u sekuestruan në cilësinë e provës materiale: 6 tableta, 2 kompjuterë, 2 laptopë, 1 monitor, 1 DVR, 1 celular, 2 kasa që shërbejnë për printimin e biletave dhe 9 bileta sportive”,- njofton Policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
