Deputetja demokrate Ina Zhupa dha më shumë detaje për Komisionin e Dezinformimit, që sipas saj rrezikon kontrollin e plotë të informacionit, i cili përdoret jo vetëm në median audio-vizive por edhe në atë online.
Edhe si Kryetare e Komisionit të Edukimit dhe Mjeteve të Informimit Publik, Zhupa tha se administrata e re amerikane me presidentin Donald Trump në krye, e mbylli një komision të tillë në SHBA, me argumentin se është përdorur nga qeveria për të goditur opozitën dhe mbajtur nën kontroll median, një praktikë e cila u kopjua nga Shqipëria për ta implementuar në vendin tonë.
Sipas Zhupës, pavarësisht se SHBA e mbyllën Komisionin për Dezinformimin, Shqipëria e vijoi një praktikë të tillë, mdaje duke dashur ta ‘perfeksionojë’ më tej atë, në mënyrë që ta centralizojë pushtetin e katërt (median) në dorën e një njeriu.
Gjithashtu, Zhupa tha se qeveria do të përpiqet ta kontrollojë duke e dhënë ajo ‘vulën’ nëse lajmi është i vërtetë apo jo, sikurse edhe rastet kur mund t’i ndërpresë çdo akses apo fond, në mënyrë që ta ketë nën kontroll.
“Ishte një marrëveshje e Shqipërisë me sekretarin Blinken, për rrugën e Komisionit të Dezinformimit sipas modelit amerikan. Me ardhjen në pushtet, Trump rishikoi të gjitha komisionet nga administrata e mëparshme. Tha që ky komision është përdorur për propagandën e majtë e qeveria në pushtet, për të goditur opozitën dhe mbajtur nën kontroll median. Ndaj e mbylli, por tanët e vazhduan këtë strategji të dezinformimit.
Ka 4 objektiva, atje ku fshihet djalli në detaje, objektivi i 4. Është ajo që është ngritur si strategjia për kontrollin e medias. Është strategji e informimit me regji, sepse duan që informacioni të kanalizohet e kontrollohet nga qeveria. Republika e Shqipërisë do të japë para për të ndërtuar start up që do të bëjnë fact chek. Kontrollin e faktve në Evropë e bëjnë media të pavarura nga qeveria. Si mund të kontrollohen faktet e një qeverisje nga qeveria. Ajo bëhet nga organe të pavarura. Ata që japin para në start up, ata vendosin edhe tek ekonomia. Do të shuash zërat kritikë. Së dyti Republika e Shqipërisë sot, (qeveria) do të nxisë dhe do të bëjë e promovojë përmes një autoriteti, gazetarinë investigative. Heton kryesisht skandalet e institucioneve shtetërore, se kush mund të abuzojë me paratë publike e pushtetin, si mund qeveria të investigojë veten?! Kuptohet qartësisht se investigimet që s’i shkojnë për shtat qeverisë, të shuhen. Apo do të këtë investigim sipas interesave, me regji.
Strategjia ishte krijimi i një autoriteti që s’kuptohet kush e krijon dhe kompetencat që ka, mediat online do duhet të rregullohen. Cili do të jetë roli i shtetit në këtë drejtim? Tendencë për të kontrolluar e drejtuar pushtetin e 4, median, me qëllim patologjia e një njeriu të vetëm. Qeveria kontrollin e medias e bën realisht, po është aq shumë makute sa do të centralizojë çdo pushtet sa nuk e pëlqen median. Këtë do të bëjë qeveria, kontrollin e fakteve. Start up i ri do të nxjerrë ‘vulën’ se është e pavërtetë psh, siç kanë nxjerrë Piranjat, abuzimin e Anuela Ristanit.
Do ngrihet një strategji e tillë, së pari për kontrollin e fakteve për të anatemuar një medium, më shumë se një kompani mediatike për të anatemuar një informacion, për t’i vendosur brendin e të pavërtetës. Për t’i ndërprerë çdo akses, për të parë se çfarë do të bëjnë aty. Ka elemente që lidhen me kontrollin e fondeve të medias, nëse vijnë nga jashtë. I jep vetes më shumë të drejta në atë që quhen mekanizmat e presionit, me kontrollet tatimore e fiskale, jo vetëm ato që kërkon ligji por edhe burimin e parave”, tha Zupa per SYRI TV.
