Në fushatat e zgjedhjeve të kaluara, Edi Rama nuk ka nguruar asnjëherë që të shprehej me numër konkret se sa mandate do të arrinte ai të merrte në zgjedhje, bazuar edhe në sondazhet e tij, por këtë herë situata është ndryshe.
Fillimisht kryesocialisti e nisi me mbi 100 mandate, pastaj u ulu në 71 mandate të sigurta, e duket se tani nuk pranon të thotë asnjë numër se sa mandate do të arrijë PS të marrë në zgjedhjet parlamentare të 11 Majit.
I pyetur në Report tv mbi mandate që do arrijë të marrë më 11 Maj, Rama tha vetëm se i duhet një mandat i fuqishëm, pasi sipas tij, nuk është çështje numri, por mesazhi.
Edi Rama: Yjet janë bashkuar sepse ata tani kanë hapur derën. Gjeopolitika e tyre kërkon të hapet dera. Por ata s’të marrin brenda po s’bëre punët. Prandaj na duhet një mandat i fortë që të mbyllim negociatat brenda 2027. Vetëm ne e çojmë në BE. Nuk është çështja çfarë pranojnë ata, çështja është se kapacitet qeverisëse që kemi ne, nuk i ka askush tjetër në Shqipëri.
Arion Sulo: NATO-n liberalizimin e vizave ato i kanë bërë.
Edi Rama: Po si ka mundësi mor…
Arion Sulo: Fakte, mund t’i heqim faktet
Edi Rama: Të kam njohur si rebel, nuk të shoh dot në kënetë. Nuk e shoh dot në kënetë. Unë pranoj të më vësh ti para me shqelma, por duke më tërhequr nga e ardhmja. Por kur të shoh ty dhe më thua liberalizmi i vizave dhe NATO njësoj si ata komentatorët me profile fallso të kënetës. E parafytyron vërtetë Shqipërinë të përfaqësohet nga bufi i kënetës dhe ajo lloj force politike në forumet ndërkombëtare. Nga viti 2011 deri në 2013 nuk ka shkelur njeri në Shqipëri, s’ka pasur një vizitë zyrtare të nivelit të lartë në Shqipëri.
Denis Minga: Kur thoni mandat i fortë, 84 vota nënkuptoni?
Edi Rama: Unë nuk vë numër, unë them që duhet një fuqi e re.
Denis Minga: Mandatin e fortë e keni edhe sot.
Edi Rama: Na duhet më i fortë…nuk është numër, është çështje mesazhi.
