Sali Berisha gjatë interviste për emisionin “Top Story” deklaroi se Erion Veliaj është arrestuar me urdhër të Edi Ramës.
Sipas Berishës, SPAK-u nuk u lejua që ta hetonte Veliajn për inceneratorin apo dosjen “5D”, pasi aty dilte Rama, por sipas tij u morën me garderobën e Ajola Xoxës, ku nuk ishte i përfshirë kryeministri. Berisha tha se Veliaj e meritonte të arrestohej, por e konsideroi si një drejtësi me regji.
“Erion Velinë e burgosi Rama. Po ta burgoste Prokuroria Erion Velinë, e burgoste për 130 milion eurot të inceneratorit që nuk ekziston. E burgoste për 5D-në që është një dëm dhe plaçkitje i dhjetra dhe qindrave miliona eurove. Erion Veliaj u burgos për garderobën dhe e meritoj, por për garderobën që nuk ishte Rama, se nuk i kishte zgjedhur ai rrobat e Ajolës dhe nuk përzohet me Ramën kjo. Nuk po them që është vendim politik, por është drejtësi me regji. Skapi nuk u lejua të merrej me Erion Velinë për inceneratorin, nuk u lejua për 5D-në që është autoriteti kontraktues dhe u lejua vetëm për pjesën që nuk ishte Edi Rama, tek garderoba e Lajla Velisë, si Lajla Asadit.” – ka deklaruar Berisha.
