Një 60-vjeçar i shpallur në kërkim nga Italia, është arrestuar ditën e sotme në Durrës.
Blutë bëjnë me dije se në pranga ka rënë shtetasi, Rexhep Rapi i njohur si ‘Kep Rapi’.
60-vjeçari është i dënuar me 7 vjet burg për organizimin e emigracionit të paligjshëm.
“Shërbimet e Policisë Kufitare Rinas, në dalje të RSH-së, kanë kapur Rexhep Rapi (Arapi), 60 vjeç, banues në Durrës, i cili pas verifikimit nga Interpol Tirana ka rezultuar person i shpallur në kërkim ndërkombëtar, pasi Gjykata e Apelit Genova, Itali, e ka dënuar 7 vjet burgim, për veprën penale “Organizimi i emigracionit të paligjshëm”, nga të cilat i kanë mbetur për të vuajtur dhe 4 vjet”,- njofton policia.
Interpol Tirana vijon procedurat për ekstradimin e tij drejt Italisë.
