Deputetja e “opozitës së re” Rudina Hajdari kërkoi ndërprerjen e seancës parlamentare për votimin e dy anëtareve të Gjykatës Kushtetuese, ndërsa kërkoi dialog mes Kuvendit dhe Presidentit për zgjidhjen e përplasjeve.
“Kisha një propozim për votimet e sotme. Doja t’i bëja apel Parlamentit të tregojë më tepër vullnet, do të sugjeroja ta ndërprisnim seancën. T’i kërkojmë Presidentit dialog që të mos çojmë procesin e dy anëtarëve drejt një ngërçi të panevojshëm. Të gjitha palët janë përgjegjëse, nuk ndjekin procedurën. Ulja për të gjetur një marrëveshje për të gjetur konsesusin për mosbllokimun e kandidaturave do ta shpëtonte vendin tonë, po flasim për një nga organet më të rëndësishme të shtetit.
U bëj thirrje palëve të gjemë mirëkuptim. Nëse presidenti ka një kandidatë të fshehtë le ta thotë se kam këtë kandidaturë dhe të japë propozimet e tij.
Është e qartë që e gjithë procedura ka boshllëqe dhe po shkojmë drejt një konflikti të panevojshëm, do të ishte e logjikshme të ndrërpresim seancën dhe të dialogojmë më presidentin. Presidenti të thotë se KED ka bërë shkelje të afatit me listat e kandidatëve”, tha Hajdari.
Pas propozimit të Hajdarit, grupi parlamentar socialist u mblodh në mbledhje urgjente ku pritet të merret një vendim mbi ecurinë e seancës.
Më herët, Taulant balla e konsideroi të eyauruar problemin, duke u shprehur se Presidenti tejkaloi afatin kushtetues për zgjedhjen e anëtarit të Kushtetueses, duke shtuar se automatikisht anëtarja më e re është Arta Vorpsi.