Kryeministri Rama ka sulmuar sërish protestuesit që prej rreth dy muajsh vijojnë qëndrimin në shesh duke kërkuar largimin e tij nga posti i kryeministrit.
Duke folur në mbledhjen e qeverisë, Rama përdori një gjuhë përçmuese ndaj protestuesve, duke i krahasuar ata me “pula” dhe “vezë”.
“Meqë bulevardi u zbraz nga Flamingot dhe aty mbeten vetëm pulat dhe vezët e punëzinjve, as duke u kapur thjesht më fort pas fakteve dhe duke menduar se përjetimi i popullit do të ndryshojë kur ne tia përsërisim faktet edhe `100 herë ë tjera, as thjesht duke bërë ca lëvizje njerëzish dhe duke bindur veten se populli do të bindet kur të shohë veprën aty kur sot ai shikon atdheun e nxjerrë në shitje.
Asnjë nga këto, as të tëra bashkë nuk mjaftojnë dot për ta mbyllur dot atë hendek, dhe për ta kuptuar deri në fund atë hendek, harrojini faktet tona dhe fokusohuni te përjetimi i njerëzve.
Sepse kur midis faktit tonë dhe përjetimit të njeriut të zakonshëm, hapet një hendek i atillë, atë e ka hapur rënia e besimit se pritshmëritë e tij do të realizohen. Dhe kur besimi ka rënë, edhe fakti më kokëfortë fillon duket si gënjeshtër. “, u shpreh Rama.
