Një 35-vjeçar u arrestua nga policia e Fierit, pas dyshimeve se tentoi të vrasë një shtetas.
Sipas policisë i arrestuari është shtetasi E.M, banues në Kreshpan. Gjithashtu policia arrestoi edhe dy shtetas të tjerë, F.M dhe Z.M, përkatësisht 69 dhe 47 vjeç, të cilët akuzohen për moskallëzim krimi.
“Në sallën operative të DVP Fier ka ardhur një telefonatë nga shtetasi A. Y, 32 vjeç, se në fshatin Kreshpan një person kishte tentuar ta vriste. Policia ka vlerësuar menjëherë situatën duke organizuar punën për zbardhjen e ngjarjes, identifikimin dhe arrestimin e autorit”, njoftoi policia.
Në cilësinë e provës materiale u sekuestruan arma e krimit (pistoletë me mulli) dhe 80 fishekë.
