Mbyllja e sezonit të Championsit, UEFA planifikon të ndryshojë formatin

UEFA synon ta mbyllë sezonin aktual të Ligës së Kampionëve me një format të ndryshuar ku do të limitohej numri i ndeshjeve për të shpallur fituesin.

Sipas “Sky Sport Italia”, UEFA synon ta rinisë garën në Ligën e Kampionëve më 7 dhe 8 gusht, kur pritet të zhvillohet ndeshjet e mbetura të kthimit të 1/8-ave të finaleve.

Pasi të zhvillohen edhe ndeshjet e mbetura të kësaj faze, gara do të vazhdojë me çerekfinalet ku më 13 dhe 14 gusht, ndërsa fituesi që kalon në gjysmëfinale do të vendoset vetëm në një ndeshje teke.

LEXO EDHE  Trukimet në Armeni shkaktojnë “fortunë”, masa ekstreme për 5 klube dhe 45 persona

Ndërsa gjysmëfinalet dhe finalja pritet të zhvillohet në formatin e një turneu “Final Four” në Stamboll të Turqisë, megjithatë tani thuhet se këto tri ndeshje mund të zhvendosen në Gjermani, për shkak të nisjes së suksesshme të Bundesligës.