Ka dalë këtë të mërkurë para gjykatës greke, 65-vjeçari shqiptar i cili plagosi me thikë një kuzhinier në një restorant në Selanik.
Ngjarja ka ndodhur në fillim të muajit mars kur 65-vjeçari shqiptar humbi kontrollin nga nervat se mishi që iu servir nuk ishte i shijshëm dhe goditi me thikë kuzhinierin e restorantit.
Sipas shqiptarit mishi, që i servirën në restorant nuk ishte i freskët por i gatuar një ditë më parë.
Ndaj 65-vjeçari rëndon akuza “vrasje e mbetur në tentativë”. Ai ka dalë ditën e sotme para drejtësisë dhe siç ka deklaruar avokati që e përfaqëson, Lefteris Bilionas, 65-vjeçari është penduar për veprimin e tij dhe ndodhet në gjendje të keqe psikologjike, ndërsa ka kontaktuar edhe me kuzhinierin për të shprehur keqardhjen për atë që ka bërë dhe për të kërkuar falje.
