Mijëra qytetarë u mblodhën para Kryeministrisë në protestën e radhës kundër projektit të resortit në Zvërnec, duke përcjellë mesazhe të forta kundër klasës politike në vend.
Me pankarta në duar, protestuesit kërkuan anulimin e menjëhershëm të projektit, duke e konsideruar atë një kërcënim për mjedisin dhe interesin publik.
Gjatë marshimit drejt Kryeministrisë, turma brohoriti njëzëri “Rama në burg, Berisha në burg” dhe “opozitë e shitur”, duke shprehur pakënaqësinë jo vetëm ndaj qeverisë, por edhe ndaj opozitës.
Protestuesit akuzuan klasën politike për mungesë transparence dhe bashkëpunim në dëm të interesave të qytetarëve, ndërsa paralajmëruan se mobilizimi do të vijojë deri në tërheqjen e projektit nga qeveria dhe dorëheqjen e Edi Ramës.
