Një tjetër ngjarje e rëndë është regjistruar mbrëmjen e kësaj të premte në Tiranë.
Një 27-vjeçar i identifikuar si shtetasi me iniciale A.M, dyshohet se është vetëplagosur me armë zjarri dhe për pasojë ka humbur jetën.
Sipas policisë ngjarja ka ndodhur rreth orës 19:55 te “Rruga Ura” dhe i riu është transportuar në spital për ndihmë mjekësore por fatkeqësisht nuk ka mundur të mbijetojë.
“Rreth orës 19:55, është dërguar për mjekim në spital, shtetasi A. M., rreth 27 vjeç, i cili dyshohet se është vetëplagosur me armë zjarri, në banesën e tij, tek Rruga Ura. Si pasojë shtetasi A. M, ka ndërruar jetë”,- thuhet në njoftimin e Policisë.
Grupi hetimor vijon punën për sqarimin e rrethanave të rasteve dhe dokumentimin e plotë ligjor të rastit.
