Politologu Afrim Krasniqi, duke folur në A2 CNN për kandidatin e opozitës për bashkinë e Tiranës, tha se ka vetëm dy alternativa, nëse opozita kërkon me të vërtet fitoren.
Sipas tij, ose duhet të jetë një kandidat jashtë partive politike ose një figurë politike që pranohet nga të gjitha forcat opozitare dhe ka një lloj pranueshmërie të gjëra publike. Krasniqi shtoi se një kandidat të tillë është e vështirë ta bindësh për tÇu futur në garë.
Ai theksoi se në Tiranë janë edhe 100 mijë votues që nuk e kanë votuar Partinë Demokratike dhe koalicionin e PD-së dhe që nuk janë votues të PS-së.
“Këto janë zgjedhje tranzicioni dhe është një mandat i paplotë. Si rregull është një lloj situate që e vë opozitën në pozitë të vështirë. Është shumë e vështirë të konkurrosh një mazhorancë të tillë në këtë situatë, aq më tepër kur retorika në këto 6 muaj ka qenë: këta vjedhin gjithmonë votat. Kështu që në rastet e tilla ka dy alternativa. Nëse ti synon me të vërtetë për të fituar, atëherë duhet të jetë me çdo kusht një kandidat jashtë partive politike ose një figurë politike që pranohet dhe ka një lloj pranueshmërie të gjëra publike.
Opozita ka diskutuar vite më parë emra të tillë, por është shumë e vështirë të bindësh një individ për të hyrë me këto kredenciale në një garë që teknikisht e ka të humbur para se me fillu. Nëse kërkon pastaj për të shuar problematikat brenda llojit dhe për të ruajtur maksimalen e anëtarëve të partisë, fut secilin nga anëtarët e partisë dhe do të marrë vetëm votat e partisë ose të aleatëve. Nuk mendoj se zgjidhja vjen nga një tryezë, por nga nevoja e opozitës për të dalë jashtë vetes. Opozita e detyruar të dalë jashtë vetes dhe ka interes politik.
Në Tiranë janë edhe 100 mijë votues që nuk e kanë votuar Partinë Demokratike dhe koalicionin e PD-së dhe që nuk janë votues të PS-së. Kjo kategori meriton respekt dhe ofertë”, tha Krasniqi.
