Fillimi i sezonit të plazhit ka sjellë kaos me trafikun në të gjithë vendin që gjatë kësaj fundjave. Situata e qarkullimit është përkeqësuar ndjeshëm në orët e vona të pasdites të së dielës kur qytetarët kanë nisur kthimin nga bregdeti, kryesisht drejt kryeqytetit, por edhe në qytete të tjera.
Siç shihet edhe në videon e mëposhtme, aksi Shkodër-Milot është pothuajse totalisht i bllokuar, duke sjellë edhe nervozizmin e drejtuesve të automjeteve, duke u rënë borive nga pritja e gjatë në “ferrin” e asfaltit. Policia nuk duket askund për t’i dhënë një zgjidhje.
Por, jo vetëm, ky aks, por edhe nga bregdeti i Kavajës dhe Durrësit, drejt Tiranës dhe Elbasanit ka patur një fluks të madh automjetesh që ka bërë që qarkullimi të ngadalësohet ndjeshëm, ndërsa në disa pika ka qenë gati i paralizuar. Më problematike paraqitet situata në aksin Durrës-Tiranë, si dhe në rrethrrotullimin e Bradasheshit në Elbasan.
Ky fenomen, i përsëritur çdo sezon veror, nxjerr në pah domosdoshmërinë për zgjidhje afatgjata infrastrukturore dhe përmirësime në menaxhimin e trafikut gjatë periudhave me fluks të lartë lëvizjesh.
Qeveria e përdor turizmin si temën kryesore për të bërë propagandë, por Shpesh herë Qeveria propagandon për turizmin, por me një infrastrukturë që rrëzohet nën peshën e sezonit.
Në Europë, autostrada është për makina që shkojnë shpejt. Rrugë dytësore për mjetet e tonazhit të rëndë. Korsi emergjente për raste urgjente. Ketu? Një rrugë e vetme për të gjitha.
