Kjo është herë e parë që nga viti 1962 që qeveria e Francës bie nga një votë mosbesimi. Kryeministri Michel Barnier u kundërshtua nga 331 deputetë dhe ai duhet të paraqesë dorëherqjen tek presidenti Macron. Por çfarë pritet të ndodhë më tej?
Presidenti i Francës Emmanuel Macron duhet të zgjedhje një kryeministër të ri. Por kjo nuk ka është një detyrë e lehtë për Macron, të cilit iu desh dy muaj në verë që të zgjidhte një emër që nuk do të rrëzohej menjëherë nga një prej fraksioneve të mëdha parlamentare.
Ekziston gjithashtu një mundësi që Macron të emërojë një qeveri teknokrate- por kjo ka të ngjarë të mos zgjasë shumë pasi ata luftojnë për t’u parë si legjitime.
Ndërkohë zgjedhjet nuk janë një opsion, pasi sipas kushtetutës franceze ato nuk mund të thirren brenda një viti nga votimet e mëparshme, të cilat në këtë rast u zhvilluan korrikun e kaluar.
Përderisa Franca nuk rrezikon të ketë një mbyllje të qeverisë, siç ndodh në Shtetet e Bashkuara, mungesa e stabilitetit politik ka mundësi të trondisë tregjet financiare. Barnier paralajmëroi javën e kaluar “për një stuhi të madhe dhe trazira serioze në tregjet financiare” nëse rrëzohet qeveria e tij.
Qeveria e Francës ka rënë pasi deputetët votuan për rrëzimin e kryeministrit francez Michel Barnier, duke e zhytur vendin në pasiguri politike.
Barnier do të mbetet kryeministri me mandatin më të shkurtër në historinë franceze pasi u emërua nga Emmanuel Macron në shtator pas zgjedhjeve të parakohshme të korrikut.
Presidenti francez thuhet se dëshiron të emërojë një zëvendësues përpara se Donald Trump të marrë pjesë në rihapjen e Katedrales Notre-Dame në Paris të shtunën.
Por pyetjet mbeten nëse deputetët do të mbështesin një alternativë.
Partitë e majta dhe të djathta të Francës u bashkuan për të sjellë dy mocione kundër kryeministrit francez në fillim të kësaj jave, pasi ai përdori një fuqi të rrallë kushtetuese për të miratuar buxhetin e tij.
Barnier me shumë mundësi mund të mbetet në detyrë si kryeministër i përkohshëm derisa Presidenti Macron të shpallë një qeveri të re, e cila nuk ka gjasa të jetë një qeveri e shumicës.
Asnjë parti nuk është afër pragut të 289 deputetëve për të formuar një qeveri stabël. Aleanca NFP ka 182 vende, RN dhe aleatët 143 vende dhe koalicioni Together i Macron me 168 deputetë.
Kjo do të thotë se ka të ngjarë të formohet një qeveri teknokratike, me kryeministrin e ri që do të ketë pak pushtet real derisa zgjedhjet e reja të mbahen në verën e vitit 2025.
