Policia kufitare ka goditur një rast të tentativës për të futur drogë me valixhe nga Dubai në Tiranë, përmes aeroportit kombëtar të Rinasit.
Autoritet policore raportojnë se në kuadër të operacionit policor të koduar “Fluturimi” është arrestuar shtetasi Brice Tchantchou, 21 vjeç, banues në Luksemburg.
Uniformat blu gjatë kontrollit në bagazhet e 21-vjeçarit kanë gjetur dhe sekuestruar në cilësinë e provës materiale, 26 kilogramë e 700 gramë lëndë narkotike kanabis. Ai e kishte mbushur valixhen plot me kanabis të ndarë në pako, e cila është zbuluar nga skaneri i aeroportit.
Policia njofton se vijon puna për identifikimin dhe kapjen e shtetasve të tjerë të implikuar në këtë veprimtari kriminale.
Materialet procedurale i kaluan Prokurorisë së Tiranës për veprime të mëtejshme.
