Takimi mes presidentit të Shteteve të Bashkuara, Donald Trump, dhe kryeministrit të Izraelit, Benjamin Netanyahu, u përmbyll pas rreth dy orësh të martën në Shtëpinë e Bardhë
Pas përfundimit të bisedimeve, zëdhënësja e Shtëpisë së Bardhë, Karoline Leavitt, reagoi përmes një postimi në platformën X, ku e cilësoi takimin si “pozitiv dhe produktiv.
Leavitt përdori të njëjtin vlerësim edhe për takimin e zhvilluar pak minuta më herët mes presidentit amerikan Donald Trump dhe presidentit të Ukrainës, Volodymyr Zelensky.
Në takimin mes Trump dhe Netanyahu morën pjesë edhe zëvendëspresidenti i SHBA-së, JD Vance, sekretari amerikan i Shtetit, Marco Rubio, drejtori i CIA-s, John Ratcliffe, si dhe i dërguari i posaçëm i SHBA-së, Steve Witkoff.
Deri më tani nuk janë bërë publike detaje të tjera mbi përmbajtjen e bisedimeve mes liderëve.
