Ka nisur protesta e 20-të opozitës para Bashkisë së Tiranës ku kërkohet largimi i Erion Veliajt pas skandalit korruptiv që ka përfshirë këtë institucion që drejtohet nga kryebashkiaku socialist.
Nënkryetari i këshillit bashkiak të Tiranës, Dorian Teliti, në fjalën e tij tha se shqiptarët do të rezistojnë deri në largimin e kryebashkiakut të Tiranës Erion Veliaj. Teliti tha se Bashkia e Tiranës duhet t’ju kthehet qytetarëve.
Sipas tij, integrimi i vendit mbahet peng nga qeveritarët, që duan të vjedhin.
“SPAK nuk merr hapin e radhës, që është anulimi i kontratës së inceneratorit. Shqiptarët do të rezistojnë deri në largimin e Veliajt. Zyra e kryetarit të Bashkisë së Tiranës duhet t’ju kthehet qytetarëve. Ne nuk jemi vend i botës së tretë.
Ne jemi vend që aspirojmë të bëhemi pjesë e Europës. Por, ky vend qeveriset nga njerëz, që shohin sesi të pasurohen vetë dhe miqtë e tyre. Ne nuk tërhiqemi e nuk do të tërhiqemi derisa Tirana t’i kthehet ligjshmërisë dhe qytetarisë.”- tha Teliti.
