Nga Boldnews.al
Blendi Gonxhe, dikur nënkryetar i Bashkisë së Tiranës dhe vartës i betuar i Erion Velaijt, sot ka dalë kundër “padronit”. Dikur, të dy, Veliaj dhe Gonxhe dilnin krah për krah me njëri tjetrin, ndërsa sot Gonxhe merr guximin dhe s’kualifikon firmën e preferuar, ose me atë që bashkëpunon Lali Eri, nga tenderi i majmë i ndërtimit të godinës së Drejtorisë së Përgjithshme të Transportit Rrugor. Një tender i majmë, i shtyrë dhe pezulluar disa herë, për shkak se kishte indicie se këto para’ ishin destinuar të shkonin të firmat e preferuara. Burime nga DPSHTRRja i thanë redaksisë së BoldNews.al se për këtë tender ka pasur ndërhyrje të mëdha, ndërsa nuk përjashtuan as Erion Veliajn, një epror direkt i drejtorit Blendi Gonxhe. Por, duket se dalja e fundit e Gonxhes përkrah Edi Ramës, në mbledhjen e PS-së, duket se i ka dhënë krah, aq sa të dalë kundër edhe Veliajt. Duket se për këtë tender ka pasur një “luftë” të madhe influencash, pasi ka pasur edhe një vlerë të madhe. Pothuajse të gjitha firmat e mëdha e kanë ndonjë lidhje të fuqishme deri lart në qeveri.
Sipas dokumenteve që disponon BoldNews.al, Drejtoria e Përgjithshme e Shërbimeve të Transportit Rrugor ka publikuar njoftimin e fituesit të tenderit për ndërtimin e godinës së DPSHTRR-së. Njoftimi i mësipërm është publikuar në datën 25 korrik 2023, ku i është dërguar firmës “HASTOÇI” si fituese e kësaj procedure. Bëhet fjalë për tenderin me objekt “ndërtim i godinës së Drejtorisë së Përgjithshme të Shërbimeve të Transportit Rrugor (DPSHTRR)”, objekt multifunksional, në interes publik, për Shërbimet Qendrore të Transportit Rrugor”. Firma fituese, “Hastoçi”, ofroi 737.462.558 lekë, ndërkohë që ka marrë pjesë edhe një “peshkaqen” tjetër si “2 T” shpk në bashkëpunim me “Agri Construction” me vlerë 773.261.946.
Por, ajo që bie më shumë në sy në gjithë këtë procedurë është oferta e firmës “Fusha” shpk në bashkëpunim me firmën “Arkonstudio”. Këto firma ofruan 760.768.810 lekë pa TVSH, por “pikët e marra për këtë operator ekonomik janë 0 pasi është i skualifikuar”. Pra, është s’kualifikuar se nuk përmbush kushtet e Blendi Gonxhes. Ajo firmë që përmbush të githa kushtet e Erion Veliajt, ku të gjitha të tjerat s’kualifikon dhe fiton gjithmonë “Fusha”. Por, jo për Gonxhen, i cili duket se ka fituar “pavarësinë” nga Erion Veliaj, në gjithë këtë zallamahi që e lidhin emrin e Veliajt me inceneratorët. Duket se shenja e parë i është dhënë nga ish vartësi i tij, Gonxhe, që mund të ketë marrë sinjale se “diçka e madhe po ndodh”.
Në dokumente, Gonxhe shkruan se firma “Fusha” nuk ka paraqitur grafikun e punimeve, nuk ka deklaruar garancinë e punimeve dhe vlerën e garancisë së punimeve. Por, edhe nuk ka paraqitur organigramën propozuar të stafit që do të operojë në ekzekutimin e kontratës, metodologjisë të ndërveprimit midis strukturave me njëra-tjetrën. Por, lista e Gonxhes për s’kualifikimin e kësaj oferte është e gjatë. Vazhdons e nuk plotëson kategorinë NS – 19 D “Sisteme kundër zhurmës në Infrastrukturë”, për licencën e zbatimit të punimeve objekt kontrate, për punimet speciale të ndërtimit. “Punonjësi Zaim Lila i deklaruar nga operatori ekonomik ‘Fusha’ shpk, si i punësuar në rolin e Inxhinierit të Ndërtimit, profili Strukturë nuk rezulton si Drejtues Teknik në Licencën e zbatimit të punimeve.Nuk plotëson kërkesat për fuqinë punëtore të operatorit ekonomik. Nuk ka deklaruar 1 (një) ekspert zjarrifikës. Nuk plotëson numrin e manovratorëve të kërkuar. Nuk plotëson numrin minimal të fuqisë punëtore të disponueshme për realizimin e punimeve objekt kontrate. Nuk plotëson kërkesat për mjetet dhe pajisjet e nevojshme teknike për realizimin e kontratës të operatorit ekonomik. Nuk ka paraqitur një kontratë noteriale më një laborator testimi të betonit. Nuk ka paraqitur grafikun e punimeve. Nuk ka paraqitur kontratë furnizimi noteriale nga prodhuesi/distributor i autorizuar, për mallrat hekur dhe çimento. Nuk ka parqaitur kontratë furnizimi noteriale nga prodhuesi/distributor i autorizuar” shkruhet në këto dokumente. Pra një listë e gjatë e të metave të kësaj firme. Por, nëse Gonxhe i ka parë me kaq detaje; po kan institucionet e tjera përse i kanë dhënë tendera? Aq më tepër Veliaj, ku firma “Fusha” ka fituar dhjetëra miliona euro.
