Minsitrja e Shëndetësisë Ogerta Manastirliu nuk ka pasur një përgjigje përsa i takon protestave në muajin e fundit të studentëve të mjekësisë, të cilët kundërshtojnë projektligjin e qeverisë që të qëndrojnë 3 vite pas ciklit të studimeve, për të punuar në Shqipëri.
“Më lejoni të them që kemi ndërmarrë një proces të gjatë konsultimesh, për të krijuar bazën më të mirë të diskutimeve, në momentin që do të kemi një vendim, do jua vëmë në dijeni.”- tha Manastirliu.
Dhjetëra studentë të mjekësisë u mblodhën pak ditë më parë në protestë pranë rektoratit të Universitetit të Mjekësisë për të kundërshtuar një draft-propozim të rektoratit që parashikon lidhjen e një kontrate që i detyron studentët që të punojnë në Shqipëri të paktën tre vite pas diplomimit, ose në të kundërt duhet të paguajnë të plotë tarifën e studimit.
Draft-propozimi mbështetet nga Ministria e Arsimit dhe ajo e Shëndetësisë.
