Një debat i ashpër është regjistruar gjatë një takimi të studentëve të mjekësisë me ministren e Arsimit, Evis Kushi së bashku me ministren e Shëndetësisë, Ogerta Manastirliu, rektorin e UMT, prof. Arben Gjata dhe prof. Xheladin Draçini, Dekan i Fakultetit të Mjekësisë.
Qeveria ka marrë vendimin që studentët e mjekësisë pas përfundimit të studimeve, për një periudhë të caktuar kohore, e kanë për detyrim të ushtrojnë profesionin e tyre në atdhe, duke dhënë kontributin e tyre. Kjo temë ishte dhe në fokus të diskutimit mes tyre.
Por, studentët e mjekësisë janë kundër punësimit me detyrim aty ku e cakton ministria dhe kërkojnë liri në zgjedhjet e tyre. Ata nuk duan të lidhin kontrata pune pas përfundimit të studimeve.
Vendimi i Qeverisë kundërshtohet prej studentëve dhe kanë paralajmëruar një protestë përpara Rektoratit të UMT-së ditën e sotme në orën 11:00.
Më poshtë, mund të ndiqni debatin mes studentëve dhe dy ministreve Kushi dhe Manastirliu.
