Ish-deputeti i Partisë Demokratike, Arben Ristani ka komentuar ngërçin e krijuar për regjistrimin e Partisë Demokratike në Komisionin Qendror të Zgjedhjeve për 14 majin.
Ristani deklaroi se këto janë makinacione që i shfrytëzon qeveria për të lënë jashtë zgjedhjeve opozitën e vërtetë. Gjithashtu Ristani akuzoi gjithashtu edhe ish-kryedemokratin Lulzim Basha se ka bashkëpunuar me kryeministrin Edi Rama për ta sjellë Partinë Demokratike në këtë situatë.
Ristani: “Kanë përgatitur këtë turbullirë për KQZ-në. Ndërkohë kemi dy palë dokumente në tavolinën e Celibashit. Dokumente nga një kryetar që është dorëhequr prej kohësh. Dhe Kuvendit të PD-së që kanë zgjedhur si kryetar zotin Berisha dhe që pengohet të regjistrohet në gjykatë. Ka vetëm një rrugë për ta zgjidhur çështjen, duke iu referuar Kushtetutës. Kushtetuta parashikon lirinë e qytetarëve për t’u zgjedhur dhe për të zgjedhur. Qytetarët me vullnetin e tyre kanë zgjedhur që kryetar i PD-së të jetë Berisha.
Nuk ka grupim Alibeaj, por grupim Basha. Nuk ka aplikim të bërë nga Alibeaj, por nga zoti Basha që autorizon Alibeajn. Autorizimi është i Bashës. Ka një regjistrim të mbetur në gjykatën e Tiranës, në bazë të3 të cilit figuron Basha si kryetar i PD-së. Ai ka autorizuar 3 persona që të përfaqësojnë ata në KQZ. KQZ vlerëson se përgjegjësitë nuk kalohen me autorizim, por janë personale. Kjo nuk e zgjidh çështjen në thelb, pasi është makinacion i pushteteit për të lënë jashtë zgjedhjeve opozitën.”
Pyetje: Rrezikon që PD-ja zyrtare për të mos regjistrohet në zgjedhje?
Ristani: “Alibeaj, Bardhi dhe Sefa veprojnë në autorizim të Bashës. Ka një dokumentacion të dalë jashtë ligjit që është në emër të Bashës. Nuk është problemi tek ata, por tek makinacioni i qecverisë për të lënë opozitën jashtë zgjedhjeve.”
Pyetje: Basha sikundër thatë, 1 vit më parë deklaroi dorëheqjen nga posti i kryetarit? A ishte e qëllimtë fakti që nuk e zyrtarizoi me dokument dorëheqjen?
“Sigurisht që ka qenë e qëllimtë. Po të ktheheni pak më parë në korrik kur u rizgjodh si kryetar ku bëri një ndryshim në statut për autorizimin e nënkryetarit në mungesë të kryetarit. Është bashkëveprimi i tyre me Ramën për të krijuar këtë situatë.”, perfundoi Ristani per Panorama TV.
