Në protestën e 47-të të zhvilluar kundër qeverisë së kryeministrit Edi Rama, një grup studentësh zgjodhën një formë simbolike.
Të veshur me uniformat e diplomimit dhe me pankarta në duar, studentët hodhën kapelet në shesh, duke e shoqëruar me mesazhe për mungesën e mundësive dhe sfidat me të cilat përballen të rinjtë pas përfundimit të studimeve.
Përmes këtij simboli, ata ngritën shqetësimin për largimin e vazhdueshëm të të rinjve jashtë vendit, duke e lidhur fenomenin me mungesën e vendeve të punës dhe vështirësitë për të ndërtuar një të ardhme të qëndrueshme në Shqipëri.
Studentët deklaruan se ky veprim synon të tregojë se shumë të diplomuar e shohin emigrimin si alternativën e vetme për shkak të mungesës së perspektivës profesionale dhe sociale në vend.
