Një numër i qytetarëve kanë protestuar sot në sheshin e Prishtinës, kundër formimit të Asociacionit të komunave me shumicë serbe. Ata kanë kërkuar nga ndërkombëtarët që të rishikojnë qëndrimet e tyre karshi kësaj kërkese ndaj Kosovës.
“Ne emer te popllit shqiptar kunder asosacionit me shumic serbe”, thuhet në pankartën që njëri prej protestuesve.
Gjatë fjalimit, njëri nga përfaqësuesit e protestuesve tha se shqiptarët janë kundër Asociacionit.
“Askush në Kosovë nuk e harron ndihmën e Evropës gjatë luftës për liri dhe për ndërtimin e Kosovës së pavarur. Evropa duhet ta di se shqiptarët masivisht janë kundër Asociacionit sepse janë të bindur që ky copëzim i ri do ta çoj shtetin në të njëjtën gjendje ku e ka çuar Bosnjën, Republika serbe e Bosnjës”, u shpreh ai.
Qytetari tutje shtoi se do të ketë protesta masive gjithandej.
“Protestat do të jenë masive gjithandej, paqësore dhe në mbështetje të qeverisë Kurti që po punon me të gjitha forcat për ta ruajtur integritetin dhe sovranitetin e Kosovës. Shqiptarët do të luftojnë për ta ndalur Asociacionin e institucionet evropiane duhet të rishikojnë qëndrimin e tyre”, u shpreh qytetari.
