Kryetari i PD, Sali Berisha ka komentuar shtetrrethimin policor në ‘Prestige Resort’ që prej ditës së enjte, kur nisi aksioni i paligjshëm i Qeverisë dhe IKMT.
Berisha tha se Policia “është e mbushur me njerëz të inkriminuar që nuk zbatojnë ligjin, as urdhrat. Prishin një objekt me leje, e faktuar që është me leje me dokumente zyrtare me firmë e vulë po këtu është zëvendësuar gjithcka ligjore me parimet e mafies. Kjo është, një gjë që nuk ndodh në vend tjetër.
Dhe në diktaturat teokratike kjo nuk ndodh se e mbron parimi fetar. Kjo ndodh thjesht në narko shtete. Krim i shëmtuar të prishësh resortin. Këta janë një bandë shumë e rrezikshme për vendin po nuk ua treguam vendin këta vendin do e shkatërrojnë”.
Më tej Berisha shtoi se gjykatat janë me Partinë Socialiste dhe gjykatësit janë punonjës të PS-së.
“Gjykata është degë e PS. Është thjesht seksion i ekzekutivit shqiptar. Ata që implementuan reformën Soros në drejtësi, i prenë shtyllën kurrizore shtetit shqiptar. Ku ka gjykata këtu? Ka vetëm Edi Rama, i cili ndër të tjera kishte ndryshuar kodin, procedurën dhe autorizonte kryeministrin të firmoste akte konfiskimi. Kjo ndodh në vende komuniste, jo të lira. Gjykata është kot. është një degë e Ekzekutivit. Unë nuk pajtova ndonjëherë me të. thirrja ime është kjo, pra se e keqja duhet të ndalet se nuk ka fund.
Thirrja ime është për PE, për KE, për Venecian, Komisionin e Kombeve të Bashkuara që të merrem me fakte dhe mos të dëgjojnë mashtrime dhe që dezinformojnë. Edhe sikur të kishte sot drejtësi të pakontrolluar, shqiptarit i duhen 20 vite të pres nga drejtësia. Ky është një privim nga një e drejtë që e kanë pasur qytetarët e botës.
Gjykatësit janë punonjës të PS. A e keni dëgjuar se SKAPI-stat kalojnë nga një drekë te një tjetër me Taulant Ballën. Kjo është 100 % e vërtetë. Atë e kam shoqe, këtë shoqe. Prokurorja është shoqe ngushtë e Ballës, po nga e gjeti?! Shpirti i SKAP-it është Balla. Kjo është e vërteta.”- tha Berisha.
