Kryetari i Partisë Demokratike Sali Berisha gjatë konferencës së sotme për mediat është ndalur te lajmi i bujshëm i publikuar nga prestigjiozja spanjolle “El Pais” për urdhër-arrestin e lëshuar për ish-këshilltarin e Ministrisë së Mbrojtjes, Amant Josifi.
Duke iu referuar skemës së mashtrimit nëpërmjet call-centerave të vendosur në Shqipëri, falë së cilës Amant Josifi akuzohet se ka grabitur me grupin e tij shumën prej 2.4 miliardë euro prej qytetarëve spanjollë, Berisha tha se 30-vjeçari është ortaku i Edi Ramës, duke kujtuar lidhjen e tij me vëllain e kryeministrit.
“Është e katërta herë që e denoncoj unë këtë. Vjedhja e 2.2 mld eurove nga rrjeti i Amant Josifit, ortakut të Edi Ramës, me dokumente. Edi Rama është ortak me Amant Josifi. Amant Josifi është i mbuluar dhe i mbrojtur politikisht nga Edi Rama dhe gjithmonë nga Olta Xhacka, se ka qenë këshilltar i saj. Nuk është fenomen i izoluar. Truri i kësaj vjedhje është Olsi Rama”, tha Berisha.
Ish-kryeministri nuk u ndal me kaq por zbuloi detaje për mënyrën sesi është ligjëruar skema e mashtrimit që qytetarëve europianë përmes call centerave, duke zbuluar se notere e transaksioneve që kryheshin nga Josifi është nëna e ministres Xhaçka.
“Se noterë, Amanti në të gjitha mafizotetet e tij ka pasur Natasha Xhaçkën, mamanë e ministres strategjike. Nuk është fenomeni izoluar, truri i kësaj vjedhje është Olti Rama , bashkëshortit i Olta Xhaçkës, Artan Gaçi dhe jo më pak, Pranvera Straktosha (nëna e Josifit). Natasha dhe Pranvera kanë qenë në ndjekje penale për adoptime fëmijësh. Mafia e adoptimin e fëmijëve, por strumbullar është qeveria në këtë aferë. Është e katërta herë që e denoncoj”, zbuloi kreu i PD.
Në vijim, Berisha bëri me dije se në sajë të burimeve të tij ka informacione se Amant Josifi fshihet në Dubai dhe është lajmëruar të largohej përpara se në Shqipëri të zbarkonte Garda Civile spanjolle.
“Ku është Amanti? Atë e njoftuan dhe ia mbathi. Disa burime më thonë se ka shkuar në Dubai. Dubain e kanë parajsë, por edhe atje FBI ka bërë operacione sensitive dhe uroj dhe shpresoj që t’i shkojë deri në fund, që të kuptojnë shqiptarët se gjithçka në këtë vend është mafioze, mafizoe dhe vetëm mafioze”, theksoi ai.
LEXO EDHE:
“80-vjeçares i vodhën 800 mijë €”/ Miku i Olsi Ramës, Josifi 2.4 mld € dëme në Spanjë
Vjedhja 2.4 mld € me Bitcoin/Spanja do “kokën” e Josifit, Berisha: Patroni Olsi Rama
