Pas mbledhjes së kryesisë së Partisë Socialiste e mbajtur këtë pasdite, Rama u pyet nga gazetarët që e prisnin në hyrje të godinës edhe për protestën që opozita do të organizojë të shtunën në orën 16:00.
Tha se nuk mund të humbiste asnjë minutë për të folur për protestën, por më pas shtoi se ndiente keqardhje për të gjithë ata që i shkojnë nga pas një “non grate”, një njeriu që sipas tij ka përfaqësuar periudhën më të zymtë që pas viteve 1990.
“Nuk kam asnjë lloj minute për të humbur me protestën e thirrur prej tyre që kanë marrë gjysmë milioni dollar për protestat. Do shikoni që lidhjet e tyre me likujditetet ruse vazhfdojnë. Keqardhje për ata që do t’i shkojnë nga pas një përfaqësuesi më të zymtë që pas 1990”, tha Rama.
