Ish-deputeti i Partisw Socialiste, Alqi Bllako është paraqitur mëngjesin e sotëm në Gjykatën e Apelit të Posaçëm së bashku me avokatin e tij, Sokol Hazizaj.
Në GJKKO do të mbahet sot seanca ndaj Alqi Bllakos për të cilin SPAK ka kërkuar rikthimin në qeli. Pritet që Gjykata e Posaçme e Apelit të vendos nëse Bllako do të qëndrojë në “arrest shtëpie” apo do të rikthehet në qeli.
Gjykata e Posaçme vendosi ndryshimin e masës së sigurisë nga “arrest me burg” në “arrest shtëpie” ndaj ish-deputetit Bllako më 6 tetor.
Avokatët e tij kërkuan zëvendësimin e masës arrest me burg në “arrest shtëpie” me argumentin se i pandehuri ka fëmijët sëmurë, dhe gjykata e pranoi. Bllako kishte 6 muaj në qeli për akuzat e korrupsionit dhe shpërdorimit të detyrës në lidhje me konçensionin e inceneratorit të Fierit.
