Shoqata Çamëria dhe PDIU janë mbledhur në një protestë para ministrisë së Jashtme kundër vizitës së ministrit të Jashtëm grek, Nikos Dendias.
Protesta në Tiranë është shoqëruar me përplasje mes simpatizantëve dhe efektivëve të Policisë.
Kreu i PDIU-së Shpëtim Idrizi ka thënë se protestuesit ndodhen në një shtetrrethim i vërtetë nga Policia shqiptare dhe nuk lejohen të protestojnë.
Ndërkohë, policia ka arrestuar disa prej protestuesve me pretendimin se protesta nuk kishte leje për shkak të masave anti-Covid.
Siç shihet edhe në fotot e mëposhtme, policia ka futur me forcë në furgonin e policisë disa protestues.
