Sezoni turistik po i afrohet fundit, por jo “urisë” së shqiptarëve për sherr dhe dhunë.
Mbrëmjen e kaluar ka kërcitur grushti në një lokal nate në Palasë. Një person e kanë shtrirë mbi tavolina dhe një grup “të fortësh” e kanë mbytur në grushte. Personi bie pa ndjenja dhe dikush dëgjohet t’i kërkojë kamerierit ujë.
Nuk dihen ende motivet e sherrit apo identiteti i personave të përfshirë.
Policia thotë se ka shpallur në kërkim 28-vjeçarin Xh.S, banues në Tiranë. I riu sipas policisë gjatë një konflikti për motive të dobëta, ka goditur me sende të forta shtetasin L. K., 42 vjeç.
“Komisariati i Policisë Himarë referoi materiale në Prokurori dhe punohet për kapjen e shtetasit Xh. S., 28 vjeç, banues në Tiranë, pasi dyshohet se ditën e djeshme, në fshatin Palasë, gjatë një konflikti për motive të dobëta, ka goditur me sende të forta shtetasin L. K., 42 vjeç. Materialet iu referuan Prokurorisë për veprime të mëtejshme”- njofton policia.
Pamjet e sherrit janë publikuar nga JOQ:
Lexo edhe:
Sherr masiv me sende të forta në një lokal nate në Palasë, i riu shpallet në kërkim
