Detaje të reja lidhur me ngjarjen e ndodhur sot në Durrës, ku Aleks Marku, nën efektin e drogës, ka mbajtur peng 2 fëmijët dhe ka qëlluar me kallashnikov në drejtim të forcave RENEA.
Raportohet se gruaja e tij kishte bërë denoncimin në polici të Lezhës 2 herë për “dhunë në familje”. Ndërkohë sipas dëshmisë së gruas, burri i saj Aleks Marku kishte qenë i arrestuar dhe në Itali për ‘dhunë në familje’ dhe ‘armëmbajtje pa leje’ dhe kishte thyer ‘arrestin e shtëpisë’ duke ardhur në Shqipëri.
Banorët në Durrës, thonë se fëmijët kishin 1 muaj që qëndronin në atë apartament në zonën e Shkëmbit të Kavajës.
40-vjeçari Aleks Marku, i cili u arrestua pasi mbante peng fëmijët dhe qëllonte me kallashnikov, ka deklaruar në polici se ka hapur zjarr pasi kishte frike se do e qëllonin.
I pyetur se nga përse kishte frikë se do qëllohej, ai s’ka dhënë deklarime të mëtejshme.
Ndërkohë, dy fëmijët që i mbante peng janë në gjendje të mirë shëndetësore. Ata janë marrë në pyetje nënë praninë e psikologes dhe kanë deklaruar se i janë lutur të atit që t’i dorëzohej policisë pasi kanë pasur frikë dhe kanë qarë, ndërsa babai qëllonte me armë.
Lexo edhe:
