Një 33-vjeçar shqiptar emigrant në Itali, ka treguar për mediat vendase se si është rrëmbyer dhe dhunuar nga 4 bashkëkombasit e tij, ngjarje e ndodhur në muajin gusht të vitit të kaluar.
Sipas dëshmisë së shqiptarit tre shtetasit Klejdo Islamaj, 26 vjeç, Lorenc Proshka, 38, Dardi Rapaj, 26 vjeç dhe Arbër Budani, 28 vjeç, tashmë të arrestuar e kanë rrëmbyer në Bolonja të Italisë dhe e kanë mbajtur peng për 16 orë. Më tej ai tegon se është dhunuar dhe kanë tentuar ta mbysin me kabllo elektrike.
Shkak, dyshohet se ka qenë një histori borxhi që një nga rrëmbyesit ka pasur me kushëririn e ‘viktimës’.
“Ne duam 60 mijë euro nga kushëriri juaj” . Më kërcënuan me armë, më lidhën duart dhe më detyruan të hipja në makinë . Fillimisht me lanë per ore te tera ne nje garazh, me Lorencin, ndërkohë qe kërkonin kushëririn tim, mu kujtua ai vend. Kisha qene aty vite me pare, gjithmonë me një grup miqsh të përbashkët”,- ka deklaruar 33-vjeçari shqiptar.
Sakaq mediat vendase raportojnë se hetimet janë përqendruar veçanërisht në targat e automjeteve të përdorura nga rrëmbyesit për të gjurmuar rrugën e ndjekur. 33-vjeçari i dhunuar u gjet në anë të rrugë nga një person, por jo rastësisht. Sipas policisë, ky person duket se mund të jetë person ‘mik’ i viktimës, por ndoshta edhe i lidhur me rrëmbyesit./Ilrestodelcarlino.it
