Banorët e Postribës u stacionuan këtë të premte përpara bashkisë Shkodër, teksa protestuan në lidhje me ujin e ndotur që thonë se shkon në çezmat e tyre për shkak të guroreve që ndodhen në fshatin Domen.
Me pankarta në duar me mesazhe të forta, banorët kërkuan ndërprerjen totale të punës nga guroret, në të kundërt do të bëjnë vetëgjyqësi.
Ata patën një takim me kryetarin e bashkisë Benet Beci i cili u premtoi zgjedhje të problematikës.
Banorët ndërkohë u shprehën se nëse problematika nuk zgjidhet, do të veprojnë “sipas Kanunit, sepse kjo histori ka 5 vite që vazhdon”.
