Një tjetër aplikacion që ofronte akses në paketa dhe kanale televizive shqiptare është mbyllur.
Sipas AMA-s, “One IPTV Player” është hequr nga Google Play Store, pasi transmetonte në mënyrë të paligjshme paketat e Digitalb, Tring, RTSH dhe TV Klan, si edhe paketa sportive me të drejta ekskluzive transmetimi, duke përbërë një rast të shpërndarjes së paautorizuar të përmbajtjes audiovizive në internet.
Kujtojmë se më herët, një aplikacion i ngjashëm, Kanali im, ku ofrohej përmbajtje e gjerë mediatike, nga kanale televizive, filma artistikë, sport dhe reality show, përfshirë “Big Brother VIP Albania” u mbyll me kërkesë të AMA-s.
