Një 52-vjeçar është arrestuar këtë të premte në Elbasan. Ai ishte shpallur në kërkim, pasi ishte dënuar me katër muaj burgim për veprën penale “Drejtimi i automjeteve në mënyrë të parregullt”.
“Nga shërbimet e Komisariatit të Policisë Elbasan, në bashkëpunim me specialistët e Policisë Rrugore, u bë kapja dhe ndalimi i shtetasit 52 vjeç, banues në Elbasan, i cili ishte shpallur në kërkim pasi Gjykata e Shkallës së Parë të Juridiksionit të Përgjithshëm Elbasan e ka dënuar me 4 muaj burgim, për veprën penale “Drejtimi i automjeteve në mënyrë të parregullt“, thuhet në njoftimin e Policisë.
Ndërkohë, materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
