Xhaxhai i Enea Mekollit, Hazbi Mekolli ka hedhur akuza se gjatë operacionit ku mbeti i vrarë efektivi nuk ishin marrë masat e duhura për mbrojtje.
Në një prononcim për mediat, pas përcjelljes për në banesën e fundit të efektivit që ra në krye të detyrës, ai deklaroi se në aksionin për kapjen e Violand Braçellarit ishin 6 efektivë dhe se të tjerët shkuan më pas.
Ai kërkon që personi që dha urdhrin për operacionin duhet të vihet para ligjit.
“Pa asnjë mbrojtje, pa asgjë. Biles personi që ka urdhëruar duhet të përgjigjet para ligjit. I pari person është ai që ka dhënë urdhër. Në operacion ishin 6 veta. Më vonë kanë vajtur forcat e tjera”, ka thënë xhaxhai i të ndjerit.
