Spitali i Traumës dhe QSUT kanë reaguar lidhur me tensionet e regjistruara paraditen e kësaj të enjte para Kuvendit, ku dhjetëra protestues u përplasën me policinë dhe deputetët.
Në njoftimin e ndarë për mediat, QSUT dhe Trauma thonë se numri i policëve që kanë përfunduar në spital për ndihmë mjekësore është më i lartë se ai i protestuesve.
Pavarësisht pamjeve të publikuara në rrjete sociale, ku protestuesit u shkelmuan, e dhunuan nga policia me grushte e shkopinj gome, spitalet thonë se në total, 19 persona morën trajtim mjekësor pas protestës, prej të cilëve 15 janë efektivë policie dhe 4 protestues.
Trauma thotë se në urgjencën e këtij spitali u trajtuan 14 efektivë policie dhe 2 protestues. Ndërsa në QSUT, sipas njoftimit, u paraqitën për trajtim një efektiv policie dhe dy protestues të tjerë.
Tensionet janë regjistruar në valën e protestave që kanë mbërthyer vendin, prej gati dy muajsh, ku dhjetëra qztetarë, brenda dhe jashtë kufijve kërkojnë largimin e Edi Ramës dhe kastës së vjetër politike.
LEXO EDHE:
