Një 32-vjeçar është arrestuar nga Policia në Korçë, pasi akuzohet për armëmbajtje pa leje.
Sipas Policisë, gjatë kontrolleve në një lokal në fshatin Podgorie, Maliq, është arrestuar shtetasi E. Xh, pasi gjatë kontrollit fizik, atij iu gjet një send i dyshuar pistoletë me fishekë, i ngjashëm me stilolapsin, i cili u sekuestrua në cilësinë e provës materiale.
“Strukturat e DVP Korçë, në bashkëpunim me shërbimet e Forcës së Posaçme “Shqiponja”, në bazë të informacioneve të siguruara në rrugë operative se një shtetas posedonte armë zjarri pa leje, organizuan punën dhe lokalizuan shtetasin e dyshuar, në një lokal në fshatin Podgorie, Maliq. Gjatë kontrollit fizik, shtetasit E. Xh. iu gjet një send i dyshuar pistoletë me fishekë, i ngjashëm me stilolapsin, i cili u sekuestrua në cilësinë e provës materiale”,– thuhet në njoftimin e Policisë.
I riu akuzohet veprën penale “Mbajtja pa leje dhe prodhimi i armëve, armëve shpërthyese dhe i municionit”.
Materialet procedurale i janë referuar Prokuroria e Korçës për veprime të mëtejshme.
