Policia e Tiranës ka arrestuar këtë të premte një 34-vjeçar të shpallur në kërkim ndërkombëtar.
Shtetasi Altin Shehu, banues në Domje të Tiranës, u lokalizua dhe u ndalua nga shërbimet e Forcës së Posaçme Operacionale.
Arrestimi i tij u krye me qëllim ekstradimin drejt Mbretërisë së Bashkuar, pasi Gjykata e Kentit të Veriut më datë 15.01.2026 i ka caktuar masën e sigurisë “Arrest në burg” për veprën penale “Vrasje”.
“Në kuadër të operacionit, në qytetin e Tirana, u bë i mundur lokalizimi, identifikimi dhe ndalimi i personit në kërkim ndërkombëtar, shtetasit Altin Shehu, 34 vjeç, banues në Domje, Tiranë.
Ky shtetas ishte shpallur në kërkim ndërkombëtar nga Interpol Manchester, pasi Gjykata e Kentit të Veriut në Mbretërinë e Bashkuar, më datë 15.01.2026, i ka caktuar masën e sigurisë “Arrest në burg”, për veprën penale “Vrasje”, sipas legjislacionit penal të Mbretërisë së Bashkuar.”- thuhet në njoftim.
