Për të disatën herë gjatë këtij viti, rrugët në qarkun e Kukësit janë bllokuar si pasojë e shembjeve të gurëve.
Si pasojë e motit të paqëndrueshëm, në disa akse rrugore të qarkut janë shënuar rënie gurësh dhe inertesh nga shpatet malore, veçanërisht në zonat me terren të thyer.
Problematika më e theksuar është evidentuar në segmentin rrugor Kukës–Bushtricë, ku në orët e para të ditës së sotme janë regjistruar rënie gurësh dhe masash dheu, duke vështirësuar lëvizjen e automjeteve.
