Erërat e forta kanë shkaktuar rrëzimin e disa pemëve në lagjen Granicë të Gjirokastrës dhe në zonën e Viroit, duke bllokuar përkohësisht qarkullimin në rrugë.
Pas njoftimit, shërbimet e Drejtorisë së Mbrojtjes nga Zjarri dhe Shpëtimit të Gjirokastrës ndërhynë menjëherë në të dyja zonat, duke larguar pemët e rrëzuara dhe rikthyer normalitetin në qarkullim.
Fatmirësisht, nga ky incident nuk janë raportuar të lënduar apo dëme materiale, vetëm bllokim i përkohshëm i rrugëve.
