Sekretari i Këshillit Bashkiak të Tiranës, Behar Zeneli i është drejtuar me një tjetër letër Erion Veliajt, ku i thekson se nuk ka asnjë vendim që ndalon prezencën e tij në mbledhje, ku do të vendoset për shkarkimin e kryebashkiakut nga detyra.
Po ashtu, ai i ripërsërit Veliajt se nëse e ka të pamundur të jetë fizikisht, mund ta paraqesë mbrjtjen me shkrim, në mënyrë që të lexohet gjatë mbledhjes.
Ndërkohë, që na ndajnë vetëm pak minuta nga ora 16:00, kur do të mblidhet Këshilli Bashkiak i Tiranës, ku me kërkesë të socialistëve pas urdhrit të Edi Ramës, do të votohet për shkarkimin e Erion Veliajt nga detyra.
“I nderuar Kryetar,
Ne vijim të shkresës Tuaj nr. 32059/3 prot., datë 22.09.2025, sjellim në vëmendje se nga ana e Këshillit Bashkiak nuk ka asnjë vendim për ndalimin e prezencës Tuaj në këtë mbledhje dhe që do të çon kërkesën Tuaj për t’u njohur, për t’u dëgjuar, për t’u mbrojtur dhe për t’u dhënë shqarime në Mbledhjen e Këshillit Bashkiak Tiranë, e cila do të zhvillohet ditën e martë, datë 23.09.2025, ora 16:00.
Sa më sipër, ri përsërisim se në vijim të kërkesës Suaj për të qenë i pranishëm fizikisht në mbledhjen e Këshillit Bashkiak, në rast pamundësie për të qenë prezent, Ju lutem që observacionet Tuaja t’i nisni me shkrim pranë Këshillit në mënyrë që të administrohen dhe të bëhen me dije në këtë mbledhje”, shkruhet në letrën e siguruar nga TCH.
