Qeveria britanike e kryeministrit Keir Starmer është tronditur nga zhvillimet e fundit. Shkak është dorëheqja e zvendëskryeministres Angela Rayner, për shkak të mospagimit të mjaftueshëm të taksave për një apartament në Hove, në East Sussex.
Në këto rrethana, Starmer i është dashur të riorganizojë kabinetin e tij. Edhe kryetarja e Dhomës së Komunave, Lucy Powell, do largohet nga qeveria , ndërsa Ian Murray nuk është më sekretar i Skocisë.
Kjo vjen disa orë pasi Rayner dha dorëheqjen edhe si sekretare e strehimit dhe zëvendëskryetar i Partisë Laburiste.
Deputetja e Ashton-under-Lyne pranoi se kishte paguar më pak se ç’duhej taksën e pullës për apartamentin e saj prej 800,000 £.
Raporti i etikës zbulon se Rayner shkeli kodin ministror dhe “nuk i kushtoi vëmendje kujdesit” në këshillën ligjore që mori – në letrën e saj të dorëheqjes , ajo thotë se merr “përgjegjësi të plotë” për “gabimin”.
Keir Starmer i tha Rayner se është “shumë i trishtuar” që koha e saj në qeveri ka mbaruar, por ajo do të mbetet “një figurë e rëndësishme” në parti, informon BBC.
