Sali Berisha, gjatë një intervistë për Syri tv, u shpreh se prej dy ditësh është tërbuar narkopushteti dhe avokatët e krimit prej asaj se çfarë ndodhi në Bruksel, duke mashtruar se aty opozita u ngrit kundër integrimit që sipas tij, nuk është e vërtetë.
Lideri demokrat tha se raporti i miratuar nga Parlamenti Europian për zgjedhjet e 11 Majit është shumë i saktë, duke situar raportin paraprak të OSBE/ODIHR që thotë se fushata ishte e pabarabartë dhe se damkos shtetin elektoral.
Sali Berisha: Në qoftë se ju merrni parasysh tërbimin e narkopushtetit, institucioneve të tij, por edhe avoketërve të krimit dhe lakejve të qeverisë. Këto dy ditë, janë dëshmia më e mirë e asaj se çfarë goditje të rëndë mori narkoshteti dhe nëmëklatura e tij, kartelet e drogës dhe organizatat kriminale në Bruksel. Armiqtë e egër të votës së lirë, në të vërtetë, armiqtë e egër të lirive themelore të njeriut dhe të vetë ekzistencës sonë kombëtare kanë dy ditë që bërtasin të tmerruar nga ajo që ndodhi në Bruksel. Përpiqen e mashtrojnë shqiptarët se aty ne u ngritëm kundër Integrimit. Mirëpo, në fjalët e para raporti thotë se procesin e integrimit të Shqipërisë e mbështet njëlloj qeveria, opozita dhe shoqëria shqiptare. Por këta janë mashtrues, ordinerë. Këta nuk dinë të flasin.
Raporti që u paraqit në Komisionin e jashtëm të Parlamentit Evropian, me zgjedhjet është shumë i saktë. Ka marrë frazat e para të raportit të përbashkët të të gjitha organizmave ndërkombëtare që vëzhguan zgjedhjet. Në zgjedhje thotë raporti i parlamentarëve evropianë, citon raportin e Odihr-it, nuk pati fushë të barabartë. Pra ishin të pabarabarta. Të gjithë ata që kanë kulturën më elementare elektorale, e dinë që ky është parimi më themelor i atyre që quhen zgjedhje të drejta dhe jo vetëm kaq por thotë që qeveria përdori gjerësisht resurset e saj në fushatën elektorale. Pra, damkos me shtetin elektoral. Këtë e kanë kuptuar mirë. Pasi Edi Rama kishte bërë përpjekjet më të mëdha për ndryshime dhe kishte dështuar të ndryshojë raportin, mund të them që ata që dërgoi ai pas nesh në Bruksel ata dolën të nxirë. Të nxirë nga mbledhja, saqë dhe dyert mezi i flisnin.
Pra, raporti, pikërisht tek zgjedhjet nuk lëshon asgjë. Përdorën gjerësisht burimet shtetërore në garën elektorale dhe ky është krim i madh elektoral. Pastaj është në nderin e atyre europarlamentarëve që zhvilluan në atë sallë dimensionin tjetër kriminal të kësaj shumice, organizatat kriminale dhe kartelet dhe rolin e tyre në zgjedhje. Por, ato dy ditë në Bruksel zhvilloheshin dy aktivitete paralele në të cilat Shqipëria për hir të vërtetës, zgjedhjet në Shqipëri dhe situata në Shqipëri ishin epiqendër.
Më tej Berisha iu drejtua Edi Ramës se është i pashpresë dhe se do të marrë ndëshkimin që meriton për farsën që zhvilloi më 11 Maj.
Sali Berisha: Eurodeputeti Ghaler, erdhi nga Komisioni i jashtëm ku kishte folur dhe mbajti një fjalë shumë të veçantë kushtuar zgjedhjeve në Shqipëri dhe situatës në Shqipëri në Asamblenë e PPE. Mund të them se qytetarët shqiptarë kanë të drejtat e tyre. Ishin në fokus të debateve në këto institucione të rëndësishme në Bruksel. Ndaj dhe tërbimi i të gjithë segmenteve të narkoshtetit nga Edi Rama është që publikon dje dhe sot artikuj me emra të tjerë me fraza të tjera, por unë i them Edi Ramës: Absolutisht, ti je i pashpresë… dhe se këto ti vërtet zhvillove në Shqipëri një farsë, por komuniteti shqiptar dhe ndërkombëtar do të qëndrojnë në mënyrën më të fuqishme dhe do të marrësh ndëshkimin që meriton për farsën që zhvillove.
