Gazetari Bledian Koka ka komentuar pas zgjedhjeve të fundit, duke ngritur disa shqetësime të rëndësishme mbi procesin zgjedhor.
Ai e theksoi se kryeministri i zgjedhjeve, Ilirjan Celibashi, që do të duhej të ishte garancia kryesore për një proces të pastër dhe të drejtë, ka dështuar në disa aspekte kyçe të administrimit të zgjedhjeve.
Sipas Kokës, ka pasur shumë problematika, si përdorimi i fondeve publike për qëllime jo transparente, shpërndarja e materialeve zgjedhore dhe mangësitë në identifikimin elektronik.
Koka gjithashtu ka folur për nevojën e ndërhyrjes ndërkombëtare për monitorimin e pas-zgjedhjeve, një proces që, sipas tij, nuk ka ndodhur asnjëherë në Shqipëri gjatë 33 viteve të fundit.
“Publiku sipas parimit duhet ta ketë të qartë se në krye të institucioneve zgjedhore është kryeministri i zgjedhjeve, siç thotë edhe Ilirjan Celibashi. Për mua, në një shtet normal, ky person duhet të duke u hetuar jo vetëm për këtë që po themi, por edhe për shumë dështime të tjera që u vunë re në procesin zgjedhor, qoftë para, gjatë, apo pas administrimit të zgjedhjeve.
Këto vërejtje, në pikëpyetje minimalisht tregojnë shfrytëzimin e detyrës me shuma të mëdha parash që janë paguar, çështje të identifikimit elektronik, shpërndarjes së materialeve zgjedhore, qoftë për monitorimin e procesit. Pse janë kaq të rëndësishme të gjitha këto? Sepse, duke mbyllur një sy, duket qartazi se ai që duhet të ishte garantuesi i zgjedhjeve është bërë një nga praktikat më të dëmshme, të cilat, me ose pa vullnetin e tij, kanë çuar në situatën që po diskutojmë, që mund të quhet banalitet, por në fakt nuk është ashtu.
Këto janë momente dhe procese që ngrijnë pyetje të mëdha, jo vetëm për trenin bullgar që e kemi diskutuar disa herë, por edhe për ato fenomene që kishim lënë mbrapa në vitin 1997 ose në vitin 2001, që lidhen me mbushjen e kutive ose deri te çmenduria më e madhe, ajo e ndërrimit të kutive.
Gjatë ditës së djeshme, një lajm që kaloi pa marrë rëndësinë e duhur, sipas mendimit tim, ishte zhvillimi real i postit të zgjedhjeve, vendimi i cili është marrë pas kërkesës së bërë dje nga zoti Berisha për një proces ndërkombëtar post-monitorimi zgjedhor, gjë që në këto 33 vitet e fundit nuk ka ndodhur askund”, tha Koka për Syri tv.
