Një grua është arrestuar nga Policia e Vlorës, pasi akuzohet se gjatë sherrit brenda familjes, ka plagosur me thikë babain e saj, më të cilin jetonte në një banesë. Në pranga është vënë shtetasja Z. N., 43 vjeçe, banuese në Vlorë.
“Specialistët për Hetimin e Krimeve në Komisariatin e Policisë Vlorë arrestuan në flagrancë shtetasen Z. N., 43 vjeçe, banuese në Vlorë, pasi dyshohet se në banesën ku jeton së bashku me prindërit e saj, gjatë një konflikti në familje, ka dëmtuar me mjet prerës (thikë), babain e saj, shtetasin K. Gj., 74 vjeç, i cili ndodhet jashtë rrezikut për jetën.” – njofton policia.
Ende nuk dihen motivet e sherrit brenda familjes që degradoi deri në plagosje me thikë.
