Gazetari dhe njkohësisht kandidati për deputet i “Nisma Shqipëria Bëhet” në Qarkun e Beratit, Ferdinand Dervishi ka denoncuar se si Edi Rama përdor administratën për fushatë.
Dervishi ka marrë rastin e mitingut të Kavajës, ku ka publikuar një skicë paraprake se si do të uleshin njerëzit. Ai ka renditur emrat e 6 drejtorëve që e kanë emrin në skicë dhe duket se secili ka pjesën e tij për të mbushur me njerëz, që nënkuptihet se kanë marrë punonjësit e dikasterit të tyre.
Denoncimi i plotë:
PROVA E PËRDORIMIT TË ADIMISTRATËS NE FUSHATË NGA EDI RAMA
Pas mitingut të para sy ditëve të Partisë Socialiste në Kavajë, dikujt i ka rënë nga xhepi një skemë.
Është plani i vendosjes së mbështetësve të Partisë Socialiste në sheshin e mitingut.
Sigurisht që deri këtu nuk ka asgjë të keqe.
E keqja është se në kuadratet e skemës janë emrat e disa drejtorëve më të rëndësishëm të administratës shtetërore.
Që do me thënë se drejtorët e disa drejtorive, të spitalit, burgut etj kanë mobilizuar punonjësit e tyre për të mbushur sheshin.
Por sipas një vendimi të kohëve të fundit të Qeverisë “Punonjësit të administratës shtetërore i ndalohet të përdorë… funksionin ose veprimtarinë shtetërore, ose burimet… njerëzore, me qëllim favorizimin e një partie politike ose kandidati në zgjedhje”.
A përbën edhe kjo një krim zgjedhor?
Më poshtë emrat e disa drejtorëve socialistë në Kavajê sipas parcelave me nëpunës e mbështetës që kanë sjellë në miting.
1-Ver (Enver) Biturku – Drejtori i Zyrës Arsimore
2-Ver Halili – Drejtor OSHEE
3-Sonila Peza – Drejtoreshë e Spitalit të Kavajës
4-Klod Shehi – Drejtor i Shëndetit Publik
5-Marinela Alia – Drejtoreshë e Burgut të Minorenëve
6-Shpend Barameta – Drejtor i Ujësjellësit
