Belind Këlliçi, i ftuar në emisionin “Opinion” ka deklaruar se Sali Berisha nuk do jetë kryeministër edhe nëse fiton Partia Demokratike fiton zgjedhjet parlamentare të 11 Majit.
I pyetur se përse Berisha nuk do jetë kryeminstër kur po bën gjithë këtë fushatë, Këlliçi u përgjigj se synimi i kryedemokratit nuk është pozita si kryeministër, por heqja nga qeveria e Edi Ramës.
Sipas Këlliçit, Berisha është shprehur vetë se do jenë demokratët ata të cilët do vendosin pas fitimit të zgjedhjeve se kush do jetë kryeministri.
Belind Këlliçi: Berisha zotëri, meqe e ke merak Berishën, nuk është në garë, e po ta them dhe unë, nuk jemi në garë që të bëhet Berisha kryeministër. Ka kryer Berisha “legacy” të vet, President, kryeministër, kryetar opozit, gjithçka…
Blendi Fevziu: Si, si? Si ishte kjo që the?
Belind Këlliçi: Nuk jemi në garë më 11 Maj që të bëhet Berisha kryeministër.
Blendi Fevziu: Por po fitoi PD kush do bëhet kryeministër?
Belind Këlliçi: E vendosin vetë demokratët, e ka thënë Berisha. Berisha ka një mision dhe rrethanat historike, rrethanat politike, e detyroi Berishen të rikthehej, të merrte të bashkonte PD, për të larguar këtë model qeverisje. Berisha nuk është këtu për karrierë personale, nuk është këtu për ego, nuk ëhstë këtu për ambicie. Berisha të gjitha gjërat në historinë e këtij vendi, Berisha i ka bërë.
Blendi Fevziu: Kjo deklarata, është deklaratë tamam apo opinion i yti?
Belind Këlliçi: Kjo deklaratë, është deklaratë e Belind Këlliçit, drejtuesit politik të qarkut Tiranë.
Baton Haxhiu: Më mirë mos ta kishe thënë fare.
