Politologu Ilir Kalemaj thotë se Edi Rama edhe këtë fushatë elektorale nuk ka program dhe bilanc, por se mori disa teza të Partisë Demokratike dhe i shet si të tijat.
Sa i takon kartës së Bashkimit Europian të hedhur nga kryesocialisti, Kalemaj shprehet se Edi Rama duhet të japë llogari se çfarë duhet të bëj në 2025-2029 dhe jo se çfarë do të bëjë në 2030-ën.
I ftuar në MCN, Kalemaj deklaroi se përdorimi i “kartës së BE” bën sens në vende si Serbia, ku ka një ndarje të partive që mbështesin hapur orientimin drejt Euroazisë dhe ato drejt Bashkimit Europian.
“Liberalizimi i vizave është bërë gjatë qeverisjes demokratike, statusi kandidat u dha gjatë qeverisjes së PD, ashtu si dhe anëtarësimi në NATO. E vetmja gjë që është bërë gjatë qeverisjes socialiste është çelja e negociatave. Edi Rama duhet të japë llogari se çfarë duhet të bëj në 2025-2029 dhe jo se çfarë do të bëjë në 2030-ën. Gjeopolitika nuk dimë nëse do e favorizojë Shqipërinë në 2030-ën. Nuk mund të përdoret karta e integrimit europian në 2030-ën, si kartë elektorale.” – tha Kalemaj.
